Son yenilənmə tarixi 22/01/2024 by Leyla Xanım
Ərzaqlar:
500 qram təzə lobya
2 baş quru soğan
2 pomidor
4-5 diş sarımsaq
1 qırmızı bibər
1 yaşıl bibər
1/2 stəkan zeytun yağı
1 çay qaşığı şəkər tozu
0,5 xörək qaşığı tomat
Duz
Hazırlanması:
Təzə lobyaları yuyun, təmizləyin, doğrayın. Tavaya yağ atın, baş soğanı doğrayıb yaxşıca qızardın, sonra lobya, doğranmış pomidor, sarımsaq, bibərləri üstünə tökün.
Bunların üstünü örtəcək səviyyədə su əlavə edin, tavanın qapağını bağlayın və ya tavanın üstünə boşqab çevirib vam odda bişirin. Lobya suyu çəkilənə qədər bişməlidir. Bişəndən sonra isə soyuyana qədər qabağı açmayın. Əgər lobya sula qalarsa, qapağı götürün və bir az da bişirin.
Süfrəyə verərkən üzərinə zeytun yağı əlavə edin.
Milli.az
Saytda yer alan Reseptler.com -un özünə məxsus materialların(reseptlər, şəkillər...) başqa saytlarda vs istifadəsi Reseptler.com icazəsi olmadan qətiyyən qadağandır!