Son yenilənmə tarixi 02/09/2023 by Leyla Xanım
Ərzaqlar:
1 kq.qoyun əti
100-150 qr.quyruq
200 qr.noxud
4 ədəd kartof
4 ədəd soğan
Alça turşusu
Zəfəran (yay vaxtı pomidorla əvəz olunur)
Nanə
İstiot
Duz
Hazırlanması:
Pitinin hər payına 50-60 qramlıq 2-3 tikə qoyun əti götürülür. Noxud 4-5 saat isti suda isladılır.
Ət və noxudu piti qabına qoyub zəif od üzərində tədricən bişirirlər.
Xörəyin hazır olmasına 30 dəqiqə qalmış kartof,iri doğranmış soğan, quru turşu, duz və zəfəran tökülüb
hazır olana kimi bişirilir.
Piti bir qayda olaraq bişirildiyi qabda süfrəyə verilir.
Yanına dərin boşqab və ya kasa, sumaq və təmizlənmiş baş soğan qoyulur.
QEYD: Piti Azərbaycanın milli yeməyidir. Şəkiyə aid bir yeməkdir. Xüsusi gil qablarda bişirilir. Amma biz çox zaman onu evdə qazanda bişiririk. Eyni dadı vermir. Amma artıq gil qabları hər yerdə vardır. bunu evdə duxovkada siz də hazırlaya bilərsiniz. Dadı çox ləzzətli olur.
Reseptler.com