Son yenilənmə tarixi 08/01/2024 by Leyla Xanım
Ərzaqlar:
750 qram kvadrat doğranmış sümüksüz qoyun ət
1 ədəd quru soğan
3-4 ədəd kartof
3-4 diş sarımsaq
1 x/q. tomat
1 çay stəkanı duru yağ
istiot
duz
Hazırlanması:
Qazana əti töküb öz suyunu salıb sonra çəkənə qədər arabir qarışdıraraq vam odda bişirin.
Sadəcə öz suyunda bişəcək, ət yağsızsa bir qaşıq yağ əlavə edə bilərsiniz.Gec bişərsə cox az su tökün.
Bişən ətin üzərinə duru yağı, xırda doğradığınız soğan və sarımsaqları əlavə edib qovurun.
Duz və istiotu tökün.
Soğan və sarımsaqlar qovrulduqdan sonra tomatı əlavə edin,qovurun. Sonra yeməyin üstünə çox az su əlavə edin.
Eyni zamanda ətlər bişənə qədər sizdə kənarda kvadrat şəklində doğranmış kartofları yağda qızardın.
Qızarmış kartofları yeməyin üzərinə əlavə edib 10 dəqiqə bişirin.
Şəkildə gördüyünüz kimi az sulu olacaq.
Bu ləzzətli yemək üçün əvvəlcədən NUŞ OLSUN.
QEYD: Bu yemək vam odda bişməlidir.