Son yenilənmə tarixi 15/01/2024 by Leyla Xanım
Ərzaqlar:
250 qram tikə dana və ya quzu əti
1 incə doğranmış baş soğan
1 kiçik dilimlənmiş pomidor
1 xörək qaşığı kərə yağı
4-5 diş sarımsaq
1 çay qaşığı soya sousu
1-2 dəfnə yarpağı
1 çay qaşığı qurudulmuş kəklikotu
Duz
Qara bibər
Pul bibər
Kartof püresi üçün
5-6 bişmiş və əzilmiş kartof
1 xörək qaşığı kərə yağı
2 stəkan soyuq süd
Bir çimdik doğranmış muskat qozu
Duz
Qara bibər
Hazırlanması:
Əvvəlcə kartofları qaynadıb bişirin, sonra əzin. Ayrı qabda kərə yağını əridəndən sonra ora əzilmiş kartofları, südü və ədviyyatı əlaıə edin. Kartof südü “canına” çəkənə qədər qarışdırıb bişirin.
Geniş və iri teflon tavada ət tikələri əvvəlcə güclü, sonra vam odda bişəndən sonra soğan əlavə edin və qovurun. Daha sonra pomidor, bibər, soya sousu və s. əlavə edəndən sonra əvvəlcədən hazırladığınız kartof püresinin üstünə qoyaraq, süfrəyə verin. Nuş olsun!
Milli.az