Son yenilənmə tarixi 03/11/2023 by Leyla Xanım
Ərzaqlar:
Keks üçün:
6 x/q şəkər tozu
5 yumurta
6x/q un
1 ədəd limonun qabığı
1 paket qabartma tozu
2 banan
Krem üçün:
1 litr süd
1 su st.un
1 su st. şəkər
1paket vanilya
1 x/q kərəyağı
Üzəri üçün:
kokos, əzilmiş qoz ləpəsi
Hazırlanması:
Keksi hazırlamaq üçün 5 yumurtanın sarısını ayıraq və şəkər tozunu əlavə edərək mikserlə çalaq. Ağaranadək çaldıqdan sonra üzərinə unu,qabartma tozunu əlavə edərək taxta qaşıqla qarışdıralım. Ayrı b ir qabda 4 yumurtanın ağını ağaranadək mikserlə çalalım.(qabı ters çevirdikdə düşmürsə olmuşdur deməkdir) Bunu da xəmirə əlavə edərək taxta qaşıqla yavaşca qarışdıralım. Qarışımı yağlı kağız sərilmiş bir duxovka sinisini yayalım. 170 dərəcədəkeksin üzəri qızarana qədər bişirin.(keks tez bişir ona görədə diqqətli olun)Keks bişdikdən sonra kağızla birlikdə rulet kimi bükək və üstünə yaş bir dəsmal yayaraq keksimizi soyudaq. Biz isə kremimizi hazırlayaq. Unu,şəkəri vəsüdü bir qazana töküb qarışdıraraq bişirək.Bir az qatılaşmaya başladığında 1 paket vanilya və kərəyağını əlavə edib qarışdıraq. 2 dəqiqə sonra ocaqdan alıb soyudaq.Ruleti açıb içinə soyumuş kremdən sürərək ortasına uzunlamasına 1,5 ve ya 2 banan qoyaraq keksi rulet kimi bükək. Bükdükdən sonra qalan kremi üstünə sürərək kokosla və qozla bəzəyinSoyuducuda 2- 3 saat saxladıqdan sonra süfrəyə verə bilərsiniz. Nuş olsun.
Qeyd : Üzərini istədiyiniz kimi bəzəyəbilərsiniz.