Son yenilənmə tarixi 07/01/2024 by Leyla Xanım
Ərzaqlar:
1 orta ölçüdə kələm
1 kiçik kasa plovluq bulqur
4-5 pomidor
2 xörək qaşığı tomat
1 dəstə incə doğranmış ispanaq
1 baş xırda doğranmış soğan
1/2 stəkan əridilmiş kərə və ya zeytun yağı
Qara bibər
Duz
1 kasa sarımsaqlı qatıq
Hazırlanması:
Kələm yarpaqlarını qazandakı qaynar suda qaynadın, sonra bir kənara soyumağa qoyun. Doğranmış soğanı tavadakı kərə və ya zeytun yağında yaxşıca qovurun, sonra ora bulqur və suyu əlavə edərək bişirin. Qaynadılıb buğlanmış pomidorları bulqurun üzərinə töküb duz, qara bibər, doğranmış ispanaq əlavə edin, yaxşıca qarışdırın.
Soyumuş kələm yarpaqlarının içinə bu qarışığı qoyub, bükün, ovcunuzda sıxandan sonra sobanın yağlanmış tavasına düzülür. Sobanı 180 dərəcə qızdırıb tavanı oraya qoyun. Sıxma hazır olandan sonar çıxarın, üzərinə kərə yağı tökün. Masaya verərkaən sarımsaqlı qatığı unutmayın.
