Son yenilənmə tarixi 29/12/2023 by Leyla Xanım
Rəna xanım – Reseptler.com
Ərzaqlar:
Alt təbəqəsi üçün:
2 paket yulaflı peçenye
3 x/q. kərəyağı
Orta təbəqəsi üçün:
1 litr süd
1 su stəkanı şəkər tozu
1 su stəkanı mannı krupa
1 paket vanilya
3 x/q. kakos
Üzəri üçün:
1 kq. balqabaq
2 su stəkanı şəkər tozu
Zövqə görə artırıb azalda bilərsiniz.
Hazırlanması:
Balqabaqları soyub yuduqdan sonra xırda xırda doğrayıb qazana tökün. Ağzını örtüb 30-40 dəqiqə saxlayın.Sonra vam odda bişirib püre halinə gətirin.( Lazım gəlsə çox az su da əlavə edə bilərsiniz.
2 paket peçenyeləri un halına gətirib üzərinə əritdiyiniz kərəyağını töküb xəmir kimi yoğurub şirniyyatı hazırlayacağınız qabın dibinə yayaraq yerləşdirin.
Ayrı bir qazanda orta təbəqəsini hazırlamaq üçün südü, şəkər tozunu,kakosu, vanilyanı və mannı krupanı
töküb qarışdıraq bişirin. Qatılaşan bu qarışımı soyumuş peçenyəli qarışımın üzərinə tökün.
Soyuyan bu qarışımın üzərinə də şəkildə gördüyünüz kimi hazırlayıb püre halında olan balqabaqlı qarışımı yayın.
Soyuducuda 1 gecə saxlayın. Dilimləyərək nimçələrə düzün.
Üzərini istədiyiniz kimi qırılmış qoz, fındıq, kakosla bəzəyə bilərsiniz. NUŞ OLSUN.
QEYD: Balqabağın faydaları saymaqla bitməz. Balqabaq sevməyənlər, yeməyənlər üçün gözəl bir resept olacaqdır.