Son yenilənmə tarixi 05/08/2023 by Leyla Xanım
Ərzaqlar:
500 qr. toyuğun döş əti
1 ədəd yumurta
1 ədəd soğan
1 çay st. qarğıdalı unu
2 dilim bayat çörək
göyərti
duz, istiot
Üzəri üçün:
sürtgeçden keçirilmiş 100qr. holland pendiri
Hazırlanması:
Toyuq ətini ət maşınından keçirin.
İçinə yumurtanı qırın.
Suda islatdığınız bayat çörəkləri sıxıb qatın.
Sürtgeçdən və ya ət maşınından keçirdiyiniz soğanı da qatın.
Üzərinə qarğıdalı ununu da töküb qarışdırın.
Duzunu, istiotunu, göyərtisini də qarışdırıb yaxşıca yoğurun.
Yoğurduğunuz bu qarışımı yağlanmış və ya yağlı kağız sərilmiş listə əldə yuvarlayaraq düzün.
175 dərəcədə 15 dəqiqə bişirin.
15 dəqiqədən sonra duxovkadan çıxardıb üzərinə sürtgeçdən keçirdiyiniz holland pendirini tökün.
Təkrar duxovkaya qoyub 5 dəqiqə yenə bişirin.
Sobada pendirli kotletiniz hazırdır. NUŞ OLSUN.
Saytda yer alan Reseptler.com -un özünə məxsus materialların(reseptlər, şəkillər...) başqa saytlarda vs istifadəsi Reseptler.com icazəsi olmadan qətiyyən qadağandır!