Son yenilənmə tarixi 30/08/2023 by Leyla Xanım
Ərzaqlar:
1,5 kq. balqabaq
1,5 s. st. şəkər tozu
1 ç./q. darçın
Krokanı üçün:
1 s. st. qoz (fındıq)
1 s. st. şəkər tozu
Üzəri üçün:
1 paket krem şanti (75 qr.)
Hazırlanması:
Balqabağını soyub dilimləyərək xırda xırda doğrayın. Qazana töküb üstünə də şəkər tozunu və darçını əlavə edərək bişirin.Balqabaq suyunu buraxdıqdan sonra qapağını açıq qoyun ki suyunu çəksin.Suyunu çəkən balqabağı ya blenderden yoxsa da kartof əzənlə əzinŞəkil vermək üçün istediyiniz bir qaba boşaldın, üzərini qaşıqla düzəldin,Üstündə qaşıqla bir yol şəklində boşluq açın ki içinə krem şanti qoya biləsiniz.Kənarlarına da şəkildəki kimi krokan sepin.Şirniyyatınız hazırdır.NUŞ OLSUN.
Krem şantini paketin üzərində yazdığı kimi hazırlayın .
KROKANIN HAZIRLANMASI:Şəkər tozunu dəmir (tunc) tavaya tökün və vam odda əridin, arada bir qarışdırın ki, yanmasın .Çünki şəkər tez yanar çox diqqətli olmaq lazımdır.Qaynamaya başladığında içinə qozu (fındıq da ola bilər)əlavə edib qarışdırırıq.Təkrar qaynamaya başladığında duxovkanın listinə yayaraq boşaldın,ki soyusun. Soyuyub bərkidikdən sonra listdən çıxarıb oxloyla və ya sizin üçün nə asan gəlirsə onunla əzin.(Şəkildə gördüyünüz kimi)
QEYD: Qışda balqabaq həm bol olur, həm də çox faydalı olduğu üçün reseptler.com. sitəsində olsun istədim,İnşallah bəyənirsiniz. 🙂