Son yenilənmə tarixi 13/09/2023 by Leyla Xanım
Ərzaqlar:
400 qr. qiymə
1 baş quru soğan
duz, qarabibər
zövqə görə nanə, kişmiş
Xəmiri üçün:
1 ədəd yumurta
1 stəkan su
aldığı qədər un
Üzəri üçün:
kərəyağı(duru yağ da ola bilər)
sarımsaqlı qatıq
1 çay qaşığı tomat
Hazırlanması:
Qiymənin içinə soğanı tyorkadan keçirib qarışdırın. Duzunu, qarabibərini göyərtisini töküb qarışdırın.
Xəmiri üçün unun üzərinə duzu, yumurtanı və suyunu töküb yoğurun. Üzərini təmiz bir dəsmalla örtün.
Xəmiri 2 kündəyə bölüb yayın. Şəkildə gördüyünüz kimi(düşbərə xəmiri kimi) eninə və uzununa dilimləyib kvadrat şəklində kəsin. İçinə hazırladığınız qıymədən qoyub boxça şəklində bükün.( Zövqə görə fərqli şəkillərdə də bükə bilərsiniz.)
Qaynayan suya duz töküb hazırladığınız mantıları suya tökün. Birbirinə yapışmasın deyə arabir qarışdırın. Suyun üzünə çıxdığı zaman mantı bişmişdir deməkdir. Süzüb üzərinə hazırladığınız sarımsaqlı qatığı sonra da yağda bir az suyla açılmış tomatı üzərinə tökün. NUŞ OLSUN: