Resept Axtar

Ekler Pirojnası

eklerpirojnasi

reklam
Ərzaqlar:

Ekler 3 elementdən ibarətdir:

- Şu xəmiri (Pâte à Choux)
- Krem
- Şokoladlı qlazur

Elementləri bir-bir hazırlayıb ekleri düzəldək. Əvvəlcə kremi hazırlayaq (krem 2 gün əvvəldən də hazırlana bilər)

KREM

16 ekler üçün

  • 2 stəkan süd
  • 1/2 stəkan şəkər tozu
  • 2 çay qaşığı vanil ekstaktı (əvəzində bir çimdik vanilin də istifadə edə bilərsiniz)
  • bir çimdik duz
  • 4 yumuta sarısı
  • 1/2 stəkan qarğıdalı nişastası
  • 2 xörək qaşığı kərə yağı, balaca-balaca doğranmış

1) Qazana süd, 1/4 stəkan şəkər tozu, vanil və duzu qoyun. Orta odda qaynamağa başlayanadək bişirin.

2) Dərin qabda yumurta sarısı, nişasta, və qalan 1/4 stəkan şəkər tozunu mikserlə çalın.Dəyanmadan yavaş-yavaş qaynar südü bu qarışığa əlavə edin və ərzaqlar qarışanadək yaxşıca çırpın.  Alınan kütləni qazana geri tökün və orta odda, ara vermədən, taxta qaşıqla qarışdıra-qarışdıra təxminən 2-4 dəqiqə və yaxud qatılaşanadək bişirin.

3) Qatılaşmış kütləni dərin qaba boşaldın. Üstünə kərə yağını əlavə edib, mikserlə təxminən 5 dəqiqə ərzində çalın. Bu müddət ərzində kərə yaşə əriməli, kütlə isə bir qədər soyumalıdır.

4) Kremin üstünü sellofanla örtün. Soyuduca ən azı 2 saat müddətində saxlayın. Bu krem soyuducuda 2 günə dək xarab olmadan qala bilər.

ŞU XƏMİRİ  (Choux, yani ekler xəmiri)
Reseptin mənbəsi: Chocolate Desserts by Pierre Hermé kitabı

16 ədəd ekler üçün

• ½ stəkan (125g) süd
• ½ cup (125g) su
• 115g kərə yağı, 8 parçaya bölünmüş
• ¼ çay qaşığı şəkər tozu
• ¼ çay qaşığı duz
• 1 stəkan (140g) əla növ un
• 5 ədəd iri yumurta, otaq hərarətində


Hazırlanması:

1) Qazana süd, suy, kərə yağı, şəkər tozu və duzu qoyub, qaynadın.

2) Qaynadığı an, odu bir az azaldın, unun hamısını əlavə edib, kütləni taxta qaşıqla DƏYANMADAN qarışdırın. Kütlənin yavaş-yavaş xəmirə dönməsini görəcəksiniz. Təxminən 2-3 dəqiqə ərzində qarışdırın. Xəmir yumuşaq və hamar olacaq.

2) Xəmiri iri qaba qoyun. Yumurtaları bir-bir üstünə qıraraq, hər əlavədən sonra mikserlə yaxşıca çırpın ki, yumurtalar xəmirə qarışsın. Xəmiriniz hazırdır. Hazır  xəmir belə olmalıdır.

4) Xəmiri İSTİ İKƏN (!) bişirmək lazımdır. Bunun üçün əvvəlcə sobanı 190C-dək qızdırın. Sonra isə soba listininin dibinə kalka kağızı sərin. İri qənnadı torbasını (rusca:konditerskiy meshok) isti şu xəmiriylə doldurun (torbanın ucun adi olsun, yani gül və ya ziq-zaq şəklində deyil). Torbadan listin üstünə bir birindən 5 cm aralı  təxminən 11 cm uzunluqda “barmaqlar” sıxın.

3) Listi sobanın orta təbəqəsinə yerləşdirib eklerləri təxminən 20 dəqiqə ərzində bişirin. Bişmiş eklerlər şişəcək, üstləri bir qədər qızaracaq. Eklərlərin arasına krem doldurmazdan əvvəl, onları ən azı 1 saat ərzində kənarda soyudun.

ŞOKOLADLI QLAZUR
Reseptin mənbəsi: Williams-Sonoma, The Essentials of Baking kitabı

125 g yarı-şirin və ya acı-şirin plitka şokolad, iri-iri doğranmış
60 g kərə yağı , balaca-balaca doğranmış
1/4 stəkan (60 ml) süd

1.  Şokoladı və yağı istiyə davamlı bir qaba qoyun. Qazanda südü qaynadın. Qaynayan kimi, südü şokolad və yağ olan qaba boşaldın. Ərzaqlar əriyib bir-birinə qarışanadək qaşıqla çırpın.

EKLERİN DÜZƏLDİLMƏSİ

Bunun ücün bişmiş ekler, krem və şokoladlı qlazuru hazır tutun.

1) Bİşmiş eklerləri bıçaqla horizontal şəkildə iki yerə bölün.

2) Qapaq hissəsini şokolada batırıb kənara qurumağa qoyun.

3) Qaşıq və ya qənnadı torba vasitəsilə eklerin alt hissəsini kremlə doldurun. Şokoladlı qapağı kremin üstünə yerləşdirin. Eklerləriniz hazırdır.

Azcookbook

Saytda yer alan Reseptler.com -un özünə məxsus materialların(reseptlər, şəkillər...) istifadəsi Reseptler.com icazəsi olmadan qətiyyən qadağandır!

Pulsuz Oyunlar
Reklam
Xahiş edirik şərhləri Azərbaycan dilində yazın.

1 Yorum

  1. zrf diyor ki:

    Təşəkür edirəm bu tarif üçün

0 Trackbacks

Bir Cevap Yazın

E-posta hesabınız yayınlanmayacak. Gerekli alanlar * ile işaretlenmişlerdir


× 8 = kırk sekiz

Şu HTML etiketlerini ve özelliklerini kullanabilirsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>